Aungani sukaklungniq

Auktaqviingit timingni atuinaqtun aunganik auladjutainut, sukataluuniit, niqinin auladjutikharnik.  Una tunihimaaqtun timingnun auladjutikharnik qanuriliuhimaagianganik taimaitutun pihugiangat, atpagiangat, ihumaliugianganiklu. Aungani sukaklungniq aaniarutauyuq timingnun aunganun sukakharnik piliugungnaiqpaktuq atugianganik sukarnik auladjutikharnik. Atuqtauhimaitumik, sukakluk aungmiinginaqtuq. Qungmukhimayut aungani sukangit ihuititinginaqtuq ilulimiuniitunik, taktuit, iyiingit, taqait aulaviit, qaritangnilu. Munagiyauluangitun, aungani sukaklungniq nairyumiqtitiniaqtun inuuhirnirmun.

Ilangit inuuhirittiarnikkut atugiaqaqtun ikikliyumiqtitiniaqtun ayungnautingnik talvuuna aungani sukaklungnirnin:

  • Higaaqpalaaqhimaitumik higaaguigumikluuniit. Ikayuqtikharnik, uqarvigilugu munaqhi, takulugu[nuquits.ca], hivajagluginluuniin Nunavut Quitline uvani 1-866-368-7848..
  • Munagilugu inuuhiritumik uqumaitilaat
  • Hulilukaak paklutin ubluq tammaat
  • Nirivaglutin niqainanik nakuyutlu niuvikhimayunik niqikhanik. Aturlugu tamna Nunavunmi Niqitigut Maliktakhanginik ikayuttigilugu niriyami nakuyumik  aturlugu.
  • Pulaaqataqlugit munarhitkut ukiuk tamaat ihivriuqtauyaangat qauyihaiyaangatlu ihivriudjutikharnik atuqtakharnik talvuuna munarhitkuni

Munaginikkut aungani sukaklungniq

Allatqinik piqaqtun aungani sukaklungniq; aungani sukaklunihaaliktunik, naunaitkutiqaqtuq 1mik, naunaitkutilgit 2mik, hingiayaqtuniklu (hingaiyunik) aungani sukaklungniq. Munaginikkut aungani sukaklungniq ikayuutiniaqtun ayungnautiginaitumik ilulimiitunik talvanga qungmukhimayumik aungani sukaklungniq. Naunaitkutiqaqhimayut allatqiinguyut aungani sukaklungniq, munagidjutiqaqtun inuuhirinikkut atuqtakharnik, munagihimaarnikkut uqumailitaarutit nirittiaqhimaanginaruvitlu. Taima aungani sukaklungniq aulavalaangitkumik hanaqidjutikhat ukuat ihuarutiginiaqtun munagiyaanganik. Taima ayungnauvalaagumik, havautikharnik piqaqtukhauyut (havautinik kapukhirnikkutluuniit).

Inuit kituliqaak aungani sukaklungniq munagiaqaqtait aungit sukaknik auladjutikharnik aunganik aihimavingmini.