Igliapkut kaansarniq

Igliaq angmarniujuq irliamut. Atajuq arnap apqutaanut (nutarannuap annivianutl) irliamullu. Kaansarniq naulirangammi igliammi, taijauvaktuq igliapkut kaansarniq.

Amihut igliapkut kaansarniq mihingnaittut mikijarangammik. Kaansarniqangiklijarangammi, ulurianaqtuq aungnaqhiplunillu.

Irliammit kiliuqtauplunni ihivriuqtakhamik havaktauvaktuq qiniqhianahuaqhutik igliapkut kaansarniq nalvaarnarirnahuaqhugu. Irliammit kiliuqtauplunni ihivriuqtakhamik qiniqhiavaktut aanniarutiqaqtunik naunaiinnik igliammi. Hamna havaktauvaktuq munaqhimit taaktimitluuniit imaaluuniit irninahuaqtumik ikajuqtimit.

Human Papillomavirus (HPV)

Ilangit aallatqiiktut igliapkut kaansarniq pidjutiqaqtut qupilrunit taijaujut imatut human papillomavirus (HPV). HPV nuliarnikkut hiamitiqtaaqtunik aanniarutit (STI). Hamna tukiqaqtuq aanniarut hiamitiqtaaqtuq inungnit nuliaqtitlugiik. Amihut inuit aannialiqpaktut taffuminga HPV inuuhimingni qanurilidjutaujuitturlu. Ilaani timikput nakuuhivaktuq inminik aanniarutimit ilaani kihimi aanniarut aullajuittuq timimi. Ilanginnut inungnut, HPV aanniarutinguqtaaktuq imatut igliapkut kaansarniq.

Kapuutiqaqtuq havautikhamik aannialiqtailitikhamik hapkunanga HPVaannialaqinnaqtunik imaatut igliapkut kaansarniq. Pittailitauvakturlu un'ngunik utukkut uhukkutluuniit. Inuuhuktut arnarutillu ukiuqaqtut avatqumajunik 9 ukiut kapittiqtaaktut uuminga kapuutikhamik Nunavunmi. Kapuutikhaq havaut (atiqaqtuq Gardasil havaut kapuutikhaq) hailijuq akiittumik tamainut ilihaqtunut puqtunia siksimi.

Qanuq ikiklijumirutiginiaqtan tapfuminga aanniarut gliapkut kaansarniq:

  • Ihumaliurlutit kapijaulutit HPV kapuutikhamik. Kapuutikhaq havaut hailijuq akiittumik tamainut ilihaqtunut puqtunia siksimi.
  • Higaarluaruivjaklutit higaaruijarlutitluuniit. Ikajuqtikharnik, uqarvigilugu munaqhi, takulugu[nuquits.ca], hivajagluginluuniin Nunavut Quitline uvani 1-866-368-7848.
  • Atuqhimmarlutit qajangnaitkutikhanik nuliarumaguvit. Nulliqinahuaruvit, uhut puungit aturlutit ikikliyumirutikharnik ayungnautingnik pinnaitumik HPV allaniklu STI aanniarnaqtunik. Uqarvigilugu piqatit piqatititnuliqitaitigut.
  • Arnauguvit ukiuqarlutit 21-69, ihivriuqhidjavutit imaatut Irliammit kiliuqtauplunni ihivriuqtakhamik. Pitqujahimajut arnat ukiuuqaqtut 21-69 ihivriuqhiqtukhat imaatut Irliammit kiliuqtauplunni ihivriuqtakhamik naataraikpata 3 ukiut. Irliammit kiliuqtauplunni ihivriuqtakhamik aallangajuq STI ihivriuqhidjutikhanit kihimi aadjikkutaanik ihivriuqtauningit. Uqarvigilug munaqhit taaktiluuniit ihivriuqtaujumaguvit.

Naunairjumigumaguvit talvuuna igliapkut kaansarnirmik, uqaqqaqtigilugu munaqhitkut pulaarlugitluuniit Nunalaani Inuuhirinikkut Havagvingit Kanatami qaritaujakkuurunmi.