Itirni ingaluarnilu aanniarut

Ingaluat ilagiyait timingni aihiruqtigivakhunilu niqinik. Niqivaluit nirivaktavut aulainaqtun aqiarukkut, ingaluanuatigun ingaluaryuatigunlu. Ingaluangit miluktitivaktait niridjutigiyauyut imarniklu niqiptingnin.

Aanniarut aulalikpaktuq Ingaluaryuanin tainiqaqtuq ingaluarni aanniarut. Tainiqaqtuq itinirni aanniarut ingaluaryuangit itinirnunluuniit (tainiqaqtuq ilagiyaingit ingaluaryuangit). Itirni aanniarut kinguliuyuq naunaituq aanniarut Nunavunmiunun. Puvagnun aanniarut aanniarutiluanginaqtuq.

Taimaitun aanniarutit aulaliqpaktun mikiunik maqidjutingnik ingaluarmi taima naunairutiqayuitun hulikiak. Una tainiqaqtun “polyps-nik”. Tapkuat polypsimik taivagait angikliyumiliqpaktun naunairutiqaqpakhimayut aunaaqtuni, uqumailitaangit anmunyumikpakhutik, anagiaqtuhimaanginaliqhutikluuniit. Amigaitun polypsngit nalvaaqtaunginaqtun ihivriudjutikharnik qauyihaidjutikhangit havaktauvakhimayut ukiuqaqtunik 50nik 74nun. Taimaitunik allatqiinguyut aanniarutit, ihivriudjutikhat qauyihaidjutikhat ikayuutigivaktun nalvaaqhiyaangat aanniarutingnik mikitilunik. Nalvaaqhiyaangat aanniarutingnik angikliyumiqtitiniaqtun ikayuutikharnik hiamitiqhimangitunik allanun ilulingni timingni.

Hunavaluit havagiaqaqtutin ikikliyumirutikharnik aanniarutiqarnaitumik itirni aanniarutingnin ingaluarniluuniit:

  • Maliklugu Imiqpallaarnaittumik Maliganganik taannganik
  • Higaarluaruivjaklutit higaaruijarlutitluuniit. Ikayuqtikharnik, uqarvigilugu munaqhi, takulugu[nuquits.ca], hivajagluginluuniin Nunavut Quitline uvani 1-866-368-7848.
  • Munagilugu inuuhiritumik uqumaitilaat
  • Hulilukaak paklutin ubluq tammaat
  • Niriyaangat niqivalungnik niqidjagiktun, muqpauyangit, nauhimayunik niqivaluit, qablat, ahiangitlu, qaquklaanualgit nautigakhat, hungaukatlu (beans, peas, lentils).
  • Ihivriuqtauyukhat anarnik (anait) ihivriudjutikhat tainiqaqtun FITnik ihivriudjutit (annait havautigiaqaqtun ihivriudjutikhat). Atuqtakharnik inungnik ukiuqaqtun 50nik 74nun naunairutiqaqtun taimaitunik ihivriuqtauyukhat malrungnik ukiunganik tikiutigaangamik. Inuit naunairutiqaqtunik ilaqaqtunikluuniit ilitquhingit uminga aanniarutingnik piqaqtukhat allatqiinik ihivriudjutikharnik.

Uqaqqaqtigilugu munaqhitkut pulaarlugitluuniit Nunalaani Inuuhirinikkut Havagvingit Kanatami qaritaujakkuurunmi naunaiqyumigianganik itirnun aanniarutingnik allatqiinganiklu aanniarutingnik.