Iviangingnun kaansa

Iviangingnun kaansa kaansauyuq nauvaktuq niqini iviaginni. Iviangingnun kaansa aulavaktuq puvipkarniq mikiyunuaq mihigilimaitungnakhiyuq ihivuiqtauliqan Iviangingnun kaansat pilluarutivaktut arnanun aaniarutilluangita angutit.

Huliniaqqinga ikikliyumirutikharnik iviangingnun kaansaruniariagani?

  • Ikiliyuumiqlugu higaarniq higaguilutinluuniin. Ikayukhanik, uqaqvigilugu munaqhi, takulugu nuquits.ca, hivayagluginluuniin Nunavut Quitline at 1-866-368-7848.
  • Maliklugu Imiqpallaarnaittumik Maliganganik taannganik
  • Munagilugu uqumaitilaat 
  • Nirivaglutin niqainanik nakuyutlu niuvikhimayunik niqikhanik. Aturlugu tamna Nunavunmi Niqitigut Maliktakhanginik ikayuttigilugu niriyami nakuyumik
  • Hulilukaak paklutin ubluq tammaat 
  • Takuyaktuqpaglugin munaqhitkut ukiuk tamaat   ihivguitutinik  

Huna iviangikkut iksuliiqhidjut?

Ilani, munaqhiit pitquyauvaktut ihivgiurvikhaq iviangikkut iksuliiqhidjut.  Iviangikkut iksuliiqhidjut qiniqhiayutauyuq puvipqaqniinik iviagini kaansamik.  Nunavunmi, iviangikkut iksuliiqhidjut atuqtauyut uuktuutigiani arnanun aaniarutiginakhiya iviagini kaansamik paqqitaugumiluuniin puvipqarniq.

Ilangit iviangikkut iksuliiqhidjut piyaqtuq Iqalungni. Ilaani iviangikkut iksuliiqhidjut ihivriutauvaktun hivuraani aanniarviit. 

Humi uqaqvigiyakhaga munaqhi?

Mihigiyumaliruvit naunairutit qanurinigilu, uqaqvigilugu munaqhi.

  • Puvipqarniq unirmi iviaginniluuniin
  • Aallannguqtuq avataita, angiktilaanga, mihingnarnialu iviagiqni 
  • Aallannguqtuq uvinik iviagigni

Kangiqhittiarumaguvit iviangingnun kaansamik, uqaqvigilugu munaqhi nunalaani munaqhiliarvik takuluguluuniin Havakviata Aanniaqtailinikkut Kanatami qaritauyakkuurutaani.