Puvagnun aanniarut

Puvagnun aanniarut aanniarutiluanginaqtuq Nunavunmi. Una aulaniqaqtuq anginirmik napaangit Nunavunmiuyut higaanginaqtun. Higaanginaqtun tipaakuknik ayungnautiqaluarniaqtuq piqagianganik puvagnun aanniarutmik.

Puvagnun aanniarut aulaniqaqtuq mikiyumik taima naunaiyaiyuitpaliayuktuq naunaitkutingnik hivullirmi. Tamna aanniarut angikliyumirumi, naunairutiqarniaqtuq taima qallakhuinaqtunik aukmik, uqumailidjutait ikikliyumirniaqtuq, anirnirlungniaqtunlu. Havautikharnik talvuuna puvagnun aanniarut ayungnautivyaktuq. Atuqtauhimaaanginaqtun ihviriudjutikharnik puvagnun aanniarutmik qauyihaihimaanginaqtuq kihimi hadja atuqtaugingitaat.

Qanuq ikikliyumirutiginiaqtan tapfuminga puvagnun aanniarut:

  • Higaaqpalaaqhimaitumik taimaaqlugitluuniit higaat. Taima higaanginaguvit akuningaaluk, taimaagianganik ikikliyumirutiginiaqtuq atuqtakharnik aanniarutiqarnaitumik. Piyagiiguvit puvagnun aanniarutmik, taimaarniq ikayuutiginiaqtuq havautikharnik havagianganik ihuaqtumik ikayuutiniaqturlu inuuhimaagianganik tavungagaalungmun. Ikayukhanik, uqaqvigilugu munaqhi, pulaaqlugit[nuquits.ca], hivayagluginluuniin Nunavut Quitline at 1-866-368-7848.
  • Nirivaglutin niqainanik nakuyutlu niuvikhimayunik niqikhanik. Aturlugu tamna Nunavunmi Niqitigut Maliktakhanginik ikayuttigilugu niriyami nakuyumik.
  • Munagilugu uqumaitilaat
  • Hulilukaak paklutin ubluq tammaat
  • Havakhimaanginaguvit amingnaqtuqaqtunik hunavalungnik taimaitunik (benzene allanik amingnaqtuqaqtunik, radonnik asbestosniklu) malikhautikharnik qayangnairutikhat amigittiarlutiklu.
  • Naunaiqyumigumaguvit talvuuna puvagnun aaniarutingnik allaniklu aaniarutingnik, uqaqqaqtigilugu munarhitkut pulaaqlugitluuniit Nunalaani Inuuhirinikkut Havakviangit Kanatami qaritauyaliqivingmi.