Qanuqtut Ujarangnaqtuq Atuqtauvakpat?

Inuit atuqtaaktut ujarangnaqtunik amihutaallatqiiktut aturnikhait. Hamma ilangit uuktuutikhat:

Hiraarluklutik ima:

  • imuyaraat higajiugatut (aagayaarnaqtuq nauhimayuq higajiuqhugit higajiurutit atuqhutik);
  • paipait, hiluqhidjutitut;
  • imuyaat (ilainait tamaitaluniit imaiyaqtauyut hiraaqyuat himauhiqhugu aangayaarnaqtumik nauhimayumik) ujarangnaqtunik);

Niuqqaqtakhanik imaaluiuniit niriyakhanik:

  • Tiikhanik
  • Avuukhimayut niuqqakhat
  • Igahimayuni niqikhanik

Puyuanik:

  • aniqhaumivlugu ujarangnaqtunit nauhimayuq, ujarangnaqtuq nauhimayuup puyuanik imaqtutikkut aniqhaagakhanik;

Nanuutit, nanuutiliuqhimayut, uvaluuniit uqhuqtirutit

  • Uviningmut nanuutigiplugit uvaluuniit ataanut uqaqqit ililugit.

Hunauvat aallatqiingningit hapkuat havautigiplugit ujarangnaqtuq unalu angiqtauhimaittut ujarangnaqtut?

Havauitauyut ujarangnaqtut qatuqtauyut: Inuit qanurittunik aanniarutiqaqtut itjuhiit pittaaqtut ahavautikhanik aqquiqtuutikhanik taaktimit havautauyut ujarangnaqtut. Piyariaqaqtut taaktimit iniqtigakhainik titiraqtakhanik.

Angiqtauhimaittut ujarangnaqtut atuqtauyut:  Angiqtauhimaittut ujarangnaqtut imatut taiyauvangmiyut aangayaarnaqtut niryallakhautit ujarangnaqtut. Inuqaqtuq Kanatami atuqpaktunik maligakkuungittunik uvaluuniit aangayaarnaqtut niryallakhautit ujarangnaqtut havauitigiplugit. Ujarangnaqtut havautigihimaittumik atuqtauyut maligakkuulirniaqtut Kanatami Tattiarnaqhilirvia 2018-mi. Talvunga ahiit, havautaungitut ujarangnaqtut atuqtauyut huli maligakkuungittunik. Ujarangnaqtut iiraqtuqtunit niuvviktauhimayut angiyumik qayangnautiqarniaqtut pitjutaulayuq aanniarutaulaaqtunik hakugingniganit halumaniganilu hanayauhimayut qauyimayauginmata ilaani. Atauhiq atuqtakhaq ikiglitjutikhangat qayangnaqtuik maligakkuungittun higaarluit nivviriqpaklutit ujarangnaqtunik maligakkuuktunit niuvvavikhanit.