Ujarangnaqtuq, Ihumaliqinikkut Ipirailairnikkullu

Ayurnangitpa ipiralairninganik ujarangnaqtunik?

Ihii, ipiralairninganik ujarangnaqtunik. Hamnallu taiyauvaktuq ayuqhautaullayuq ujarangnaqtunik aturniq uvaluuniit ujarangnaqtunik atuqnirmit ihumaiyautainnaq. Ilangit naunaitkutikhanut ilauttaaqtut:

  • Pivagiaganik pilimairurvit angiyuunik huliakhanik havaktakharnik havagvingmi, iliharvingmi, iglungniluuniit aimavingni;
  • Ipirarninganik aturniqaqtuq inuutjuhiuyuq, havaak, uvaluuniit ulapqitjutit huliakhat ujarangnaqtunik aturnirmit;
  • Atuqattaqpakkuvit ujarangnaqtunik imatullu angitqiyanik aktilanganik uvaluuniit hivitutqiyaanik aturniaqhimayarnik;
  • Ayuqhaliruvit atuqattaruiqhimalugu uvaluuniit pittaililutit ujarangnaqtunik aturniq;
  • Atuqpaliruvit angitqiyanik ujarangnaqtunik aadjikkutaanik mihingnautaanik (taiyauvakturlu imatut atuqtakhaungitpiaktunik);
  • Atuqhimmanginarupkit ayuqhautigaluaqhugit ihuangitumik.

Inuk atuukhaaqpiakhimagumi ujarangnaqtunik hivituyumik uvaluuniit atuqattaqpaklugit, aannialiqtutut ilihunguyuq aturuihakkumigit atauttikkut. Hamna taiyauvaktuq piilliuktuq timimini atuqpakhimayaminik. Ilangit Snaunaittut piilliuktunit tiimiminit iqihuliniq, ihumaluinnarniq, Ihumalukhutik ingumaplutikluniit, nutqangalimaiqhutik, hinigiakhamingnik ayuqhaliqhutik, akhuraaluk piyumaliqpiakhuni, imatullu nirilluarumayungnaiqhuni. 

Huurlikiaq Ilangit Inuit atuqpakpat Ujarangnaqtunik?

Inullaat atuqtut ujarangnaqtunik aallatqiiktunik pitjutiqaqhutik, niryallautigiplugu, inungmiutigiplugu, ukpirnikkut quviahuutigiplugu, pillahitjutiginahuaqhugu hulilukaarutikhanut, uvaluuniit mihingnaiyautiginahuaqhugu havautigiplugu ilanginut aanniarutimingnut. Aallat atuqpaktait ikayuutiginahuaqhugit mihigimatjutimingnut inuuhirmingni, nakungittunik ihumaluutimingnik, inmingnik, ihuangitumik ihumabluni, inmingnik ayuqharangamik ihumaliurahuaqtamingnik, inmikkuuriakhamingnik ayuqhaqhutik qanuriliurutikhamingnik. 

Inuit atuqpakhimayut nakunngittunik inuuhirmingni hulihimayamingnik, inuuhirmingni qurlurnaryuaqtunik ayuqhaqhimayut, uvaluuniit inuit ayuqhautiqaliqhutik ihumalungnirmik pakhimayut atuqtut ujarangnaqtunik uvaluuniit aallanik aallaniklu aanngayarnaqtunik ilanngautiginahuaqhugu nakungitunik ihumaluutimingnik mihingnautimingnikluuniit.  Naunaiqhiguvit taimailiuliqpauhirnik, avaliingangittutit ikayuqtikhat hailiyut.

Ikayuqhiqtauyumaguvit ayuqhautigiyarnik atuqtut ujarangnaqtunik uvaluuniit atuqtut ujarangnaqtunik ayuqhautiqaruvit, uqarvigiinnariaqaqtat ihumaliqinikkut munaqhi uvaluuniit aallamik ayuiqhattiaqhimayumik ikayuqtikhamik munaqhiqarvingni. Atirnik titiraqimaitumik ikayuqtikhat, uqarvigilugit Nunavut Kamatsiaqtut Help Line (hailiyut 24 ikarnirni ubluq atauhiq, saivani ubluni havainirmi) talvuunga 867-979-3333 akiittumik 1-800-265-3333; Crisis Services Canada – aturlugu qaritauyakkurut titirarvikhat (www.crisisservicescanada.ca), hivayarlugu, titirarvigilugu tiguumianuamut 1-833-456-4566; uvaluuniit Isaksimagit Inuusirmi Kataujjiqatigiit Embrace Life Council’s qaritauyakkurutaani (www.inuusiq.com), hivayarlugit akiittukkut 1-866-804-2782.

Turrarvikhat Inuuhiringnaqtumik Ikayuqhrvikhat (Ihumaliqinikkut piqaqtunut)

Turrarutikhat talvunga RACK Card