Upalungaiyarniq Anngunahuaq Maniqqami

Ayuittut angunahuaqtut upalungaiyakhimayukhaq aanniqtailiyukhaqlu. Upalungaiyakhimaguvin, nakuutqiyauniaqtuq upalungaiyakhimaguvin maniqqami aaniqtailinikkutlu qillamuiqtuqaqqan. 

Hama ilangit ikayuutikhat upalungairiagani anngunahuaq maniqqami:

  • Nakuuyumik uhilikhiilutin ihagiahungnaittumik
  • qiniqattaqlugu hila qanurittaaqhaanik
  • Ihiviuqlugu akhaluutin aulaaqtinatin
  • Aullaaqatiqaqluhi, avaliinngaqnaitumik
  • Sainiriaqtuqluhi atuqtaffingnik akiittumik humi ittaaqhainik naunaiyautimik, taapkuatut SPOT piutaannik, hamalaffingni, angguhiqiiyitkunniit, HTO-kunniluunniit. 
  • Uqaqlugu kimut humungauliqtutin. Aulaaqhimanahuaqtillutin ikituni ikaangnini, uqaqtukhauyutin atauhinaugumi inuk aimavingni kitkut aulaaqatiniatatin, humungauliktutin, humi utiqnahuaqtuninlu. Uttinngitkuvin mikhaatigun, tamna inuk ikayutikhangnik aullaqtittniaqtuq.

Uqaqlugu kimut humungauliqtutin. Aulaaqhimanahuaqtillutin ikituni ikaangnini, uqaqtukhauyutin atauhinaugumi inuk aimavingni kitkut aulaaqatiniatatin, humungauliktutin, humi utiqnahuaqtuninlu. Uttinngitkuvin mikhaatigun, tamna inuk ikayutikhangnik aullaqtittniaqtuq.

Ihiviurlugu tamna titiraqhimayuq naunaitkutikhaq upalungaiyaitikhanik aullaqtinatin:
    • Qayaqtuqtum Piakhainikkut naunaiyaqtakhat
    • Sikiitumi Haantamilluunniit qiniktauyukhat naunaiyaqtakhat
    • Aulaaqtiup naunaiyaqtakhat

Qanuqtun upalugaiyadjavat hiqquqtiut Nakuuyumik

Anguniaqtinatik, hiqquqtiut halumayakhanik naunaiyarlugu nakuuyumiklu havaktuq. Uhilikhiqlugu nakuyumik. Hapkuat ilihimayukhauyut:

    • Kaariuraiyarlugu hiquutit kiluutaqlugulu.
    • Unguvaklugin qarriktautit. 
    • Tutquhimalugu hiqqut talvani ahirulaittumik, takunnaittumiklu qiuqutimik, hiqquqtiutip tutqumaviatut.
    • Tutquqhimalugit qagiut ahinni. 
    • Uhilikhigangat hiqqutin akhaluunmun, hivuuranaittumi uhiliqhilugu ahinungannaitumik aquttilutin. 
    • Kiluutakhimainarlugu atungitkuni hiqqutiut. 

Ilihimayukhat, turaqtitiurlugu ilingnun inununluuniin, ilihimayatluuniin kaagiuqangittuq. Nakuutkiaq immingitkuvin, higaaluktungitkuvin, aalatluuniin angayaarnaqtunik hiqqutiliqiliruvin, aulaqhimatilutinluuniin.

Atugakhat:
Annguniarnikkut Iliharutaanik ayuiqhariami – Avatiliqiyitkut