Ningaumadjutiqaqtuq, Mamiahuutiqaqtumik iinaqtuq, Ningagumainaqhuni Idjuhiqaqtuq

Ningaumadjutiqaqtuq

Inuk ningaumadjutiqaqtuq namainaqtuq idjuhiqaqtuq. Inuit kituliqaak mihigivaktun ningaudjutiqaqtuq ilaani namaktuq taima itkumik. Hamma ilangit ihumagiyaunginaqtun huuq inuit ningaumadjutiqaqpaktun:

  • Havaqatigiyait, ilagiyait, ilannait, inuk kituliqaakluuniit uqallakumi qanuriliugumiqaak nangaktitiyut inuuhirminun.
  • Inuk kituliqaak ihumaaluunginaqtun nanminirmini ayungnautiqagiyait ihumaluinaqturluuniit anginirmik kinguliuyunik namaluangitunik atuqpakhimayainik.
  • Inuk kituliqaak namaluangitumik ihumamini atuqpakhimayaini, taimaitutun huiqtunik inungnik piqpagiyainik.

Mamiahuutiqaqtumik iinaqtuq, Ningagumainaqhuni Idjuhiqaqtuqlu

Mamiahuutiqaqtumik iinaqtuq taima upalungaikhimainaqtuq nigagiangani. Mamiahuutiqaqtumik iinaqtuq inuit ihumaitutun itun, amigakhuutiqainaqtun, ningaktaaqhutikluuniit, inugluhuinaqhutiklu itun. Nangaqataunginaqtun uqallainahutiklu tiglugumainaqtun hunavalungmik inungnun allanunluuniit. Mamiahuutiqaqtumik iinaqtun allanguqtitivakhimayut pitqatigiiktunik inungnun.

Ningagumainaqhuni Idjuhiqaqtun aulainaqtun talvuuna uqamalukhutik iqhitaagiyutlu allanun mikiyutluuniit qanuriliuqtunik, kihiani akunigaaluk, ilauqarniaqtuq allanun aaniqtinahuarnikkut. Ningagumainarniq amingnaqtuq inungnun avipkainginaqturlu piqatigiiktunik inungnik. Ningagumainarniq idjuhiqaqtun ilautitigiaqaqtun inungnun ayuqhautikharnik maligaliqaliqinikkut.

Inuit kituliqaak aulavakhimaanginaqtun mamiatautiniq allatqiimik atuinaqtun. Ilangit ayungnaitumik aulavakhimayut allanin.

  • Taima inuuhirinikkut aulayaangat mamiatautiqaqtunik taima ilitugipkaklugit mamiatautigiyangnik allanun taima uqallaqhimaitumik iqhinaqtumik aanirnahuaqtailugitluuniit. Uqallakpaklutin ihumagiyangnik ihumangani taima taadjaqtun itumik aulahimaitumik akhurhimaitumikluuniit. Uqalagiaqaqtutin ihumagiyangnik akhurhimaitumik pittiarhimayumiklu.
  • Quvianaitumik aulayaangat mamiatakhimayumik uqallakhimaitumik allanun, taimalu pihimaahimalugitlu ayungnautigiyanganik ilingnun. Ilaani mamiatautikhangit angikliyumirpaktun taimalu ayungnautigivaktaat. Una mamiatautigiyan ilauniaqtuq piqatigiirnikkut, ubluq tamaat hulilukaaktangnik, inuuhiriyanganik inuuhinilu.

Ilanga aulatitiyaangat mamiataugiyangnik taima ilitagilugu tamna mamiataugiyan ihumangni. Imaa inniaqtuq kayumirlugit hulilukaarutit, mihigilugu idjuhit, mihigilugulu qanuq timit aulaliqtuq. Aulatitiyaangat, pingahunik anirhauqyumirlutin. Taima kayumiitumik uan tuuq taqlutin qullimun uqallakhimaitumik hulilukaakhimaitumikluuniit. Talvanga, uumatit kayumiryumiliqpaktuq, amigaqhugungnaiqtun itniaqtutin, taima ilingnik munagidjutiqarniaqtutin. Mamiatautigiyan munagidjutiqangituq ilungnun. Taima amigakhugunaiqtutin ililiruvit, ikayuutikhaqaqtuq uqagianganik ihumagiyangnik.

Taima akhurnaqtumik uqallautiqaguvit, uqagiaqaliqtutin allanun namakyumiguvit amigaqhuutiqaiguvitlu. Kangikhikyumiguvmaguvit, pulaaqluitin uminga mapirvianganik talvuuna aulayut Relationships.