Anirnikkut Aulayunik (RSV)

Anirnikkut Aulayunik (RSV) naunairutit aanniarutit hiamitiqtaaqtuniklu. Amigaitun nutaqqat pivakhimayut taimaitumik aanniarutmik atauhiinarmik ukiuqaqtinanik malrungnik. Ilani, puvaknun aannialaqivaktun allanikluuniit ayungnautikharnik biipiinuat kihimiluaq. Akhurnaqtuq qunngiattiagianganik naunairutingnik mihingnautinik munarhiliarlutiklu ingatagumik.

Naunaitkutit piqaqtunik anirnikkut aulayunik (RSV)

RDVqaqtun aadjikiivyaktunik naunaitkutilgit mihingnautiqaqtunik taimaitutun qalakhuktun, ilauniqaqtunlu:

  • Qalakhuqtun
  • Umiktitihimaaqtun qinganga kakkiliqtaalaqivlunilu
  • igiaqliuliqtunik
  • Hiuliuliqivakhutik
  • Kidjaumainaliqhunni
  • huvviuqtuuyaaqtutut ittuuk aanniqhaaqtariami (kuumiuyaaqtutun anikhaagaangami)
  • Ivyanguhuliruvit aannikhariakharnik

Biipiinuat RSVqaqtun huliumayungnaiqpaktun, umilruinaliqhutiklu, qianginalikhutik, nigiumayungnaiqhutiklu. Ilangit biipiinuat pihulihaaliktunlu naunairutingnik mihingnautiqaliqpaktun.

Biipiinuat tatqikhiutiqangitunik siksinik, naunairutingnik qunngiattiarlugit. Naunairutit ingatagumik, hivayaqlugit munarhitkut.

Biipiinuaq nutaraq nivyaaqtumik anikhaaqataligumi ayukhaligumikluuniit anikhaagianganik, agitilugu hivayaqlugitluuniit munarhitkut.

Ikiglitikhat ayungnautiqarnirmik RSVmin

RSVnahiq hiamitiqtaaqtuq allanun, qalakhuqtutun ituq. Qanuriliurutikhangit ikikliyumiqtitiyaangat ayungnautinik:

  • Uaqataqpalugit algakit, humungaugaiguvit, talvanikiak RSVqarnimiitunik.
  • Uaqpaglugit algakit kahaktinarnik niripkaitinaguluuniit biipiinuat.
  • Kahaktailugit allat biipiinuat aannialiguvit.
  • Pulakhimalugu qanit qingatlu qalakhuliguvit tagyuliruvitluuniit.
  • Higaarluaruivyaklutit higaaruiyarlutitluuniit. Higaaqtunik puyungit itkaunahuaqtitailugit biipiinuat nukakhitqianguyutlu nutaqqat. Higaaqtailutin nutarat amautingniitkumi.
  • Nutaratin kapuutikhangit aulahimaaqtukhauyut ublumun kapukhigiikhimayakhangitlu kapuutikhangit.
  • Iviangikni maamaktitiyut ikayuutikhaqarniaqtun piqarnaitumik halumairungnik taimaitunik RSVnik.

Ilanganik ayungnautitaaqtunuit biipiinuat, kapuutikhaqaqtun (kapuutit) tainiqaqtunik Palivizumab (Synagis®)mik taima munagidjutiqaqtunik aanniarnaitumik RSVmin. Imaatun itun, nutarakhaq inuukpan inuuvikhaa tikitinani (biipikhaq iniluangituq inuuvikharni), munarhit atuqtakharnik naunairutiniaqtuq kapuuktikharnik taimaitumik Synagis®. Synagis® kapuutikhaq kapuktauhimaaqtukhanik tatqikhiut tamaat tamna RSV aanniarut aulaligumik ukiungani. Apigilugu munarhitkut apiqutiqaguvit tapfuminga Synagis® havaaqhatigun.

RSV-IN

Munagidjutikharnik RSVqaqtunik

RSV aanniarut ilangutivaktuq inmikkut. Nutarat RSVqagumik, imailiugiaqaqtutin:

  • Niaquangit akitikhaa angikliyumigiaqaqtan aniqhaarianganik ayungnaitumik hinigianganiklu.
  • Imaqaqtunik imiquhimaaqulugit. Nutaqqat imiquhimaaqulugit imarnik (uunnaumayunik niglaumayunikluuniit), tiitukhimaaqlutin, imigarnik, suutuutiniklu. Biipiinuat maamakhimaaqtukhauyut ivianganik maamaknik biipiinuat mamautiqaqtun biipiinuat maamakharnik.
  • Atipkaumanahuarhimalugu iglut. Atugiaqaqtutin puyuqtunik atipkaktirutingnik nutaqatin igluangani.
  • Pigiaqagumi, tunilugit nutaran havautikharnik niuvigiaqaqtunik niuvaivingmi (taimaitunik Tylenolmik) ikayuutikharnik naunairutiqagumi aanniarutmik. Malikhautilugit atuqtauyakhatin titiraqhimayut. Havautit ayungnautigiaqaqtun ilangit, avatquvalaagungni havautikhat.
  • Aspirinik tunitailutin ukiuqangitunik 20nik. Piqaqtun Reye syndromemik, aanniarut ayungnautiqaqtuq tinguknun qaritangnunlu..