AANNIAQHIMAITTUMIK HINGAIJAUNIQ

Hhingaijautitlutit ihivriuqhirniq ajuutauhungujut hingaijanut arnamut nutarakhaanullu aanniarnaittumik. Qilamik hingaijautitlutit ihivriuqhirniq ihuaqutaujuq aanniarnaittumik nutaranirvikhanut.

Kapuutikhat

Kapuutikhat, imaaluuniit kapuqhirniq aanniaqtailitikharnik, hivuuranaittut. Pittailidjutikhat amigaittunut aanniarutinut aanniarnaqtunullu.

Hinngaitinnatit ihuarnikhaujuq kapuutikhat anguummatijakhainnik. Ilangit kapuutikhat, imattut fluulaitkutikhat kapuutit unalu qallarjuaqnikkut kapuutit, hivuranaittut pitqijaujut hingaijautitlutit. Apirilugu munaqhigijat kittut kapuutikhat ikajuutauniariakhainnik ilingnut nutarannuakhallu aanniarnaittumik.

Hingaijautitlutit ihivriuqhirvikhatit nakuujut uqautigijumagupit kittunik kapittiqtaariakharnik hingaijautitlutit uqautigilugillu anginiqaqtut hivullikhat nutarannuavit kapuqhiutikhainnut.

Nutarannuat nukaqhiujut siksinit atqiqhiutinit fluulaitkunmik kapuqhilimaittut. TPittailitikhat nutarannuat, anginiqaqtuq angajuqqaat aallallu ilagijait iglumiuqatignit fluulaitkunmik kapuqhirumik. Akiittuq nunangni munaqhiqarvingmi.

Naunaiqhittiarumaguvit, takulugu [Kapuutikhat].

Higaakhimaittumik hingaijauniq

Nutaraningnahuaqtut nakuujuq hingaijanut arnanut, angajuqqaanut, ilagijainullu higaaruijavjagvikhanik higaaruirlutikluuniit. Higaarniq hingaijauplunni hivuuranaqtuq imaatut Hinikhutik Mirraat Tuquvaktut Aanniaqhimaittumik imaaluuniit SIDS. Ikiglivjakkupkit higaaqpauhitit hivuuranaitqijaq haffumanga Hinikhutik Mirraat Tuquvaktut Aanniaqhimaittumik (SIDS), higaaruijaruvit nakuutqijauhungujuq nutarannuakharnut inungnut tamainnut.

Arnaq piqataaluuniit, ilaruhiitluuniit, ilannait higaarumik, nakutqijauhungujuq hilami ahianit nutarannuap hingaijamit arnamit. Aimaviit ukuallu amautiit higaarnaittumik nakuujut!  Higaarmit poujuittut najugait piittut higaarmik imaaluuniit higaarlugmit pujurmik (angajaarnaqtut) puujuit. Naunaiqhittiarumaguvit, takulugu [Tipaakuqaqtunik Aturluiruijarniq Atuqtakhaq] imaaluuniit [Angajaarnaqtut] makpiaraat qaritaujakkuurnmi.

Tanngaittumik Hingaijauniq

Hivuuranaitqijaujuq atuqhimaittumik angajarnaqtunik niuqarlutitluuniit tangarniq hingaijautitlutit. Ikajuqtikhailiuruvit apiqqutikhaqaruvitluuniit qanuqtut imiruijautikharnik hingaijautitlutit, uqarvigilugu munaqhit taaktitluuniit, inungmutluuniit ihuarijarnut. Apirilugit ikajuqulutit ikiglijuummiutikharnik aturninganut.

Ikajuutitta ikajuutikharnik tanngaqturnaittumik hingaijanut. PPiqatigiiktut ilannaitlu: Ikajuqtaaqtutit!

  • Nutqallakhimalutit’ tanngarmit angajarnaqtunillu ilvit
  • Tunilugu hingaijaujuq tangaittumik niuqakhanik
  • Hulilukaaqatigiikluhi tangaqtugakhaitumik angajarnaqtunikluuniit
  • Ikajurlugit ihumalungnaittumik inuudjuhiani - apirilugu naunaittunik uqattiaqhimajunik qanuqtut pijangani!

Niuqarniq tanngaqaqtunik hingaijauplunni pidjutaniaqtuq nutrannuap angiglivallianikhanut. Hingaijat Taangaqtuqhimajut Nutarakhaq Angiglivalliatitlugu (FASD) taimailidjutauvaktuq taangarmit nutarakhaq angiglivalliatitlugu. 

Hingaijat Taangaqtuqhimajut Nutarakhaq Angiglivalliatitlugu (FASD) timikkut ajuqhautaujuq pidjutiqarlunni inuum inuuhikhanut. Inuit Hingaijat Taangaqtuqhimajut Nutarakhaq Angiglivalliatitlugu (FASD) ajuqharniaru]naqhijut ajuiriakhamingnik, ihumakkut aanniarlutik,qanuriliurumainnarlutik,aallanilu ajuqhautiqarlutik. Ikayuqtikhaqaqtuq – tuqrvigilugu munaqhit taaktitluuniit talvuuna Hingaijat Taangaqtuqhimajut Nutarakhaq Angiglivalliatitlugu (FASD) ihivriuqhidjutikhanik atuqtakhainnik Nunavummiut.

Apiqhuutauqattaqtut Hingaijat Taangaqtuqhimajut Nutarakhaq Angiglivalliatitlugu (FASD)

Hivuranaittumik aktilakhaqaqqaa taangarmik niuqqakhamik hingaijautitlunni?

Nakuutqijaujuq imingitkumi taangaqaqtumik hingaihimatillutit. Biat, winelu taangnallu tamarmik adjikiiktunik pidjutiqaqpaktut ilummiarijaujumut nutarakharnut. Mikiniqhat taangait nakuutqijaujut nutarakharnut, kihimi niuqangitkuvit nakutqijaujuq. Ajuqhaliruvit qanuqtut imiruijautikharnik mikitqijaanikluuniit, uqarvigilugu munaqhit ikajuqtikharnik.

Hivuuranaittumik taangaqturvikhaqaqqik hingaijautitlunga?

Hivuuranaittumik piqangittuq niuqqariarnni tanngaqturvikharnik hinngaijautitlutit. Nutarannuap qaritaa angiglivallianginaqtuq tamainni nainni tatqiqhiutinni. Hivullirni pingahunni tatqiqhiutinni (hivulliit pingahunni tatqiqhiutinni hingaijatitlutit) anginiqaqtuq, ilingnik munarittiadjvutit imaalu ikajuqtikharnik pilutit taanganit atuqtailitikharnik ikajuqtaujariaqaruvitt.

Ilitturilihaaruma hinngaihimaliqtunga niuqaqhimmaaqtunga taanngarnik?

Imiruijariit ilitturiguvit hingajutit. Imiruijaruvit ihuarnikhaujuq, nutarannuakhavit qaritaa angiglivalliangmat. Ihumaluutiqaruvit uqarvigilugit munaqhitkut, taaktitluuniit.

Ilitturittiarumaguvit talvuuna Hingaijat Taangaqtuqhimajut Nutarakhaq Angiglivalliatitlugu (FASD), uqarvigilugu munaqhigijat takuluguluuniit nunangni munaqhitkut.