ᐃᖃᐃᓕᓴᖃᑦᑕᕐᓂᖅ

ᐃᖃᐃᓕᓴᖃᑦᑕᒐᔪᖕᓂᖅ ᐃᑲᔪᑎᖃᖅᑐᖅ ᐊᕐᕌᒍᓕᖕᓄᑦ ᖃᔅᓯᑐᐃᓐᓇᕐᓄᑦ ᐅᕝᕙᓘᓐᓃᑦ ᐃᒥᒥᑦ ᐊᔪᙱᑕᖃᕐᓂᕐᒧᑦ.

ᐃᑲᔪᑎᐅᔪᓐᓇᖅᑐᑦ ᐃᖃᐃᓕᓴᕐᓂᕐᒧᑦ ᐅᑯᐊᖑᔪᑦ:

  • ᐱᔪᓐᓃᖅᐸᓪᓕᖅᑎᑦᑎᔪᓐᓇᖅᑐᖅ ᐃᔾᔨᒌᖏᑦᑐᓂᑦ ᐋᓐᓂᐊᖑᕙᒃᑐᓂᑦ
  • ᐊᐅᓚᑦᑎᕚᓪᓕᖅᑎᑎᔪᓐᓇᖅᑐᖅ ᐊᒃᓱᕉᓴᕐᓂᕐᒥᑦ
  • ᓴᐅᓂᒃᑯᑦ ᓄᑭᒃᑯᓪᓗ ᓴᙱᒃᑎᕚᓪᓕᕐᓇᖅᑐᖅ
  • ᓴᙱᒃᑎᕚᓪᓕᕐᓇᖅᑐᑦ ᐅᒻᒪᑎᒃᑯᑦ ᐳᕙᒃᑯᓗ ᐊᐅᖕᒥᓗ ᐃᖏᕐᕋᑎᑦᑎᕚᓪᓕᕈᓐᓇᖅᑐᖅ
  • ᐱᐅᓯᕚᓪᓕᖅᑎᑦᑎᔪᓐᓇᖅᑐᖅ ᐃᓱᒪᒃᑯ ᖃᓄᐃᖏᑦᑎᐊᕐᓂᕐᒧᑦ, ᐃᓕᖁᓯᕐᒧᑦ, ᓯᓂᑦᑎᐊᖅᐸᓪᓕᕈᑕᐅᔪᓐᓇᕆᓪᓗᓂ
  • ᓂᕆᔭᒥᓂᒃ ᓯᖃᓕᑦᑎᕆᕚᓪᓕᕐᓇᖅᑐᖅ
  • ᑎᒥᒥᑦ ᖃᓄᐃᓕᖓᓂᖅ ᐊᓪᒪᓗ ᐊᔾᔨᒌᒃᑎᑦᑎᓂᖅ ᑎᒥᒥᑦ (ᐊᒻᒪᓗ ᐅᕐᕈᖃᑦᑕᖏᐹᓪᓕᕐᓂᖅ)
  • ᐊᐅᓚᔪᓐᓇᐅᑎᖃᖅᐹᓪᓕᕐᓇᖅᑐᖅ ᐊᒻᒪᓗ ᐆᒪᓲᔭᕐᓇᕐᓂᖅᓴᐅᓪᓗᓂ
  • ᐃᑲᔪᑎᐅᕗᖅ ᐅᕿᖏᓐᓂᕐᒧᑦ ᐊᐅᓚᑦᑎᓂᕐᒥᑦ

ᐊᔾᔨᒌᖏᑦᑐᓂ ᐃᖃᐃᓕᓴᕐᓂᖅᑕᖃᐅᖅᑐᖅ. ᓄᓇᕗᒻᒥᑦ ᐅᐸᒐᒃᓴᖅᑕᐅᖃᐅᖅᑐᖅ ᖁᕕᐊᓇᖅᑐᓂᒃ ᐃᓚᐅᖃᑕᐅᓂᕐᒧᑦ, ᐋᑦᑕᕐᓇᖏᑦᑐᒥᑦ ᐃᖃᐃᓕᓴᖃᑦᑕᕐᓂᖅ.

ᐆᒃᑐᕋᐅᑏᑦ ᐃᖃᐃᓕᓴᖅᑕᐅᔪᓐᓇᖅᑐᓂ:

  • ᐱᓱᔪᖕᓂᖅ ᐅᕝᕙᓘᓐᓃᑦ ᑐᑭᕆᐊᓕᖕᒧᑦ ᐃᖏᕐᕋᓗᓂ ᐃᓕᓐᓂᐊᕐᕕᖕᒧᑦ ᐅᕝᕙᓘᓐᓂᑦ ᐃᖃᓇᐃᔭᕐᕕᖕᒧᑦ
  • ᐱᓱᔪᖕᓂᖅ ᐅᕝᕙᓗᓐᓃᑦ ᓯᑮᕐᓗᓂ ᓄᓇᐃᓐᓇᕐᒥᑦ
  • ᑎᓱᕋᕐᓗᓂ, ᐱᙳᐊᕐᓗᓂᓘᓐᓃᑦ ᐅᕝᕙᓗᓐᓃᑦ ᐋᒻᒪᑲᓴᐅᑎᓗᓂ
  • ᒥᕐᙳᐃᖅᓯᕕᓕᐊᕐᓗᓂ ᐅᕝᕙᓘᓐᓃᑦ ᐱᙳᐊᕐᕕᖕᒧᑦ
  • ᐃᖃᓗᒐᓱᒡᓗᓂ, ᐸᐅᕐᖓᑦᖅᑕᕐᓗᓂ, ᐅᕝᕙᓘᓐᓃᑦ ᐊᒻᒨᒪᔪᖅᑕᕐᓗᓂ
  • ᕿᒧᒃᓯᕋᐅᔭᕐᓗᓂ ᐅᕝᕙᓘᓐᓃᑦ ᓯᑭᑑᕋᔭᒡᓗᓂ
  • ᖃᔭᖅᑐᕐᓗᓂ ᐅᕝᕙᓘᓐᓃᑦ ᐅᒥᐊᖅᑐᒃᓗᓂ
  • ᓂᐅᕕᐊᓂᑦ ᐊᖏᕐᕋᐅᔾᔨᓗᓂ ᓂᐅᕕᕐᕕᖕᒥᑦ
  • ᐳᐊᕆᔭᕐᓗᓂ ᐊᐳᒻᒥᒃ
  • ᐃᒡᓗ ᓴᓗᒻᒪᖅᓴᕐᓗᒍ, ᓴᓂᕐᓂ ᒥᓪᓗᐊᖅᓯᓗᑎᑦ, ᐅᕝᕙᓘᓐᓃᑦ ᓴᓃᔭᐃᓗᑎᑦ
  • ᐊᒻᒪᓗ ᐊᓯᕈᓘᔭᓂᑦ!

ᐃᖃᐃᓕᓴᕐᓇᓵᕈᕕᑦ, ᐅᔾᔨᖅᓱᕆᐊᖃᖅᐳᑎᑦ ᐱᒋᐊᓕᓵᖅᑎᓪᓗᑎᑦ. ᐅᖃᖃᑎᖃᕈᓐᓇᖅᐳᑎᖅ ᐃᓗᐊᖅᓴᐃᔨᒥᑦ ᐊᐱᖅᑯᑎᒃᓴᖃᕈᕕᑦ.
ᐃᖃᐃᓕᓴᕐᓂᕐᒧᑦ ᒪᓕᒋᐊᓖᑦ ᐊᔾᔨᒌᖏᒻᒪᑕ, ᒪᓕᒃᖢᑎᒃ ᐊᕐᕋᒍᒋᔭᔅᓯᓐᓂᑦ. ᖃᐅᔨᒋᐊᕈᓐᓇᖅᐳᑎᑦ ᐱᔾᔪᑎᒃᓴᕐᒥᑦ ᑕᑯᒋᐊᕐᓗᒍ ᐃᖃᐃᓕᓴᕐᓂᕐᒧᑦ ᒪᓕᒋᐊᓖᑦ ᐊᔾᔨᒌᖏᑦᑐᓂᑦ ᐊᕐᕌᒍᓕᖕᓄᑦ ᐊᕕᒃᑐᖅᓯᒪᔪᒧᑦ.

ᑲᓇᑕᒥᐅᓄᑦ ᐃᖃᐃᓕᓴᕐᓂᕐᒧᑦ ᐃᓅᓯᕐᒧᑦ (CS4M) ᑲᑐᔾᔨᖃᑎᒌᖑᔪᑦ ᐱᓕᕆᓪᓗᑎᒃ ᐱᐅᓯᒋᐊᖁᔨᓪᓗᑎᒃ ᐱᙳᐊᖅᑎᓄᑦ ᐊᒻᒪᓗ ᐃᖃᐃᓕᓴᖅᑎᓄᑦ ᑲᓇᑕᒥᑦ. ᑐᑭᓯᒋᕈᒪᒍᕕᑦ ᐊᒻᒪᓗ ᐱᔾᔪᑎᒃᓴᓂᑦ, ᖃᐅᔨᒋᐊᕈᓐᓇᖅᐳᑎᑦ ᐃᑭᐊᕿᕕᒃᑯᑦ.