ᐃᓐᓇᐃᑦ ᐊᒻᒪᓗ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᖅ

ᐅᓄᖅᑐᑦ ᐃᓐᓇᐃᑦ ᐃᒃᐱᒍᓱᓲᖑᖕᒪᑕ ᐊᒃᓱᕈᕐᓇᖅᑐᒥᑦ ᐃᖃᓇᐃᔮᒥᓄᑦ, ᐊᓯᖏᑦ ᐃᓐᓇᐃᑦ, ᐊᒻᒪᓗ ᐃᓚᒌᖑᔪᓄᑦ ᐃᓅᓯᖏᓐᓄᑦ. ᐃᓛᓐᓂᒃᑯᑦ ᐊᒃᓱᕈᕐᓇᓗᐊᖂᔨᓂᖅᓴᐅᓪᓗᓂ−ᑲᑎᖢᒋᑦ ᐊᖏᕐᕋᒥᙶᖅᑐᓂᑦ, ᐃᖃᓇᐃᔮᒥᓂᙶᖅᑐᓂ, ᐃᓚᒌᖑᔪᓂᑦ, ᕿᑐᙵᖏᓐᓂᑦ, ᐊᒻᒪᓗ ᓄᓇᓕᖕᓂᖔᖅᑐᓂᑦ. ᐃᓛᓐᓂᒃᑯᑦ ᐊᔪᕐᓇᖂᔨᕙᒃᑐᖅ ᐊᐅᓚᑦᑎᓂᕐᒥᑦ ᐅᕝᕙᓘᓐᓃᑦ ᐊᔾᔨᒌᒃᑎᑦᑎᓂᕐᒥᑦ.

ᐅᓄᖅᑐᑦ ᐊᑲᐅᖏᓕᐅᕈᑕᐅᕙᒃᑐᑦ ᓴᖅᑭᑉᐸᒃᑐᑦ ᐊᓂᒍᖅᐸᒃᖢᑎᓗ, ᑭᓯᐊᓂ ᐊᑲᐅᖏᓕᐅᕈᑕᐅᔪᖅ ᐊᓂᒍᖅᐸᖏᑦᑐᑦ, ᐊᒃᑐᖅᓯᔪᓐᓇᕐᒪᑦ ᐃᒻᒥᖕᓄᑦ ᐃᒃᐱᒋᔭᑦᑎᓐᓄᑦ ᐊᒻᒪᓗ ᐃᑲᔪᑦᑕᐅᓂᕐᒧᑦ ᐅᖃᕆᐊᖃᓕᕐᓇᖅᑐᖅ. ᐃᑲᔪᖅᑕᐅᔪᒪᓗᑎᑦ ᐅᖃᖃᑦᑕᕆᑦ ᐃᒃᐱᒍᓱᓗᐊᓕᕌᖓᕕᑦ ᐊᒃᓱᕈᕐᓂᕐᒥᑦ ᖃᐅᑕᒫᖅ, ᓄᒫᓱᒃᑯᕕᑦ, ᐅᕝᕙᓘᓐᓃᑦ ᐃᓱᒪᓕᕌᖓᕕᑦ ᐃᒻᒥᓃᕐᓂᕐᒥᑦ.

ᐊᑲᐅᖏᓕᐅᕈᑏᑦ ᓴᕿᑦᑐᓐᓇᕐᒥᖕᒪᑕ ᐊᑐᖅᐸᒃᖢᓂ ᐃᒥᐊᓗᖕᓂᕐᒥᑦ ᐊᒻᒪᓗ ᓱᕐᕌᖕᓇᖅᑐᓂᑦ. ᐊᑐᖅᐸᒃᖢᓂ ᐃᒥᐊᓗᖕᓂᕐᒥᑦ ᐊᒻᒪᓗ ᓱᕐᕌᖕᓇᖅᑐᓂ ᐊᓂᒍᖅᑎᑦᑎᓇᓱᖕᓂᖅ ᐃᓅᓯᕐᒥᑦ ᐊᓯᔾᔨᖅᓯᓲᖑᖕᒥᖕᒪᑦ ᐊᑲᐅᖏᓕᐅᕈᑎᓂᒡᓗ ᐅᕝᕙᓘᓐᓃᑦ ᐊᑐᖅᑕᐅᔪᓂ ᐱᓂᖅᓴᐅᓕᖅᑎᑦᑎᔪᓐᓇᕐᒪᑦ. ᐃᑲᔪᖅᑕᐅᔪᓐᓇᕐᓂᖅ ᐊᑐᐃᓐᓇᐅᔪᖅ. ᐃᓄᑑᓗᓂ ᐊᑐᕆᐊᖃᖏᑦᑐᖅ ᐊᔪᕐᓇᖅᑐᖅᓯᐅᕐᓂᖅ.

ᓴᕿᔮᖅᑎᑦᑎᒍᕕᑦ ᐅᕝᕙᓘᓐᓃᑦ ᖃᐅᔨᒪᔭᕐᓂᑦ ᓴᕿᔮᖅᑎᑦᑎᒃᐸᖅ ᐃᓱᒪᒃᑯᑦ ᖃᓄᐃᓐᓂᕐᒥᑦ, ᑲᙳᓲᑎᒋᖏᓪᓗᒍ. ᐃᓱᒪᒃᑯᑦ ᐊᓐᓂᐊᕐᓂᖅ ᐊᑐᖅᑕᐅᒐᔪᒃᑐᖅ ᐊᒻᒪᓗ ᐊᒃᑐᐊᓂᖃᖅᐳᖅ ᐅᓄᖅᑐᓄᑦ. ᐱᒻᒪᕆᐅᕗᖅ ᐃᓱᒪᒃᑯᑦ ᐊᒃᓱᕈᖅᑐᑦ ᐃᑲᔪᖅᑕᐅᖃᑦᑕᕈᑎ.

  • ᐅᖃᖃᑎᖃᕐᓗᑎᑦ ᐅᒃᐱᕆᔭᕐᓄᑦ.
  • ᐅᖃᖃᑎᖃᕐᓗᑎᑦ ᐃᓗᐊᖅᓴᐃᔨᒥᑦ ᐋᓐᓂᐊᕐᕕᖕᒥᑦ.

ᖃᐅᔨᒪᔭᐅᖏᓪᓗᑎᑦ ᐃᑲᔪᖅᑕᐅᔪᒪᒍᕕᑦ, ᐅᖃᓗᒍᓐᓇᖅᑐᐳᑎᑦ ᑲᒪᑦᓯᐊᖅᑐᑦ ᐃᑲᔪᖅᑕᐅᕝᕕᖕᒧᑦ:  1-867-979-3333  | ᐊᑭᖃᖏᑦᑐᒃᑯᑦ: 1-800-265-3333