ᓘᒃᑖᒃᑯᑎᒍ ᐱᔪᓐᓇᐅᑎ ᓂᐅᕕᐊᖑᔪᓐᓇᖅᑐᓪᓗ ᐄᔭᒐᑦ

ᐃᓚᖏᑦ ᐃᓅᓕᓴᐅᑏᑦ ᐊᑐᐃᓐᓇᐅᖕᒪᑕ ᐱᔪᓐᓇᐅᑎᖃᙱᓪᓗᑎᒃ ᐋᓐᓂᐊᓯᐅᑎᒥᑦ, ᓲᕐᓗ ᓂᐊᖁᖅᓯᐅᑎᑦ ᑕᐅᓕᓈᓪ, ᐋᑦᕕᐅᓪ ᐊᒻᒪᓗ ᑎᒥᐅᑉ ᓈᒻᒪᒋᙱᑕᖏᓐᓄᑦ ᐃᓅᓕᓴᐅᑏᑦ. ᑕᐃᔭᐅᓲᑦ ᓂᐅᕕᐊᖑᔪᓐᓇᖅᑐᑦ ᐃᓅᓕᓴᐅᑏᑦ. ᐱᖓᓱᑦ ᐱᔾᔪᑕᐅᓗᐊᖅᐸᒃᑐᑦ ᐃᓄᐃᑦ ᐊᑐᓲᑦ ᐅᑯᓂᖓ ᐄᔭᒐᖕᓂᑦ ᑎᒥᒃᑯᑦ ᐋᓐᓂᐊᓪᓗᑎᒃ, ᓄᕙᖕᒧᑦ ᓈᙳᓂᕐᒧᓪᓗ. 

ᐊᓯᖏᑦ ᐃᓅᓕᓴᐅᑏᑦ ᐱᔪᓐᓇᐅᑎᖃᕆᐊᓖ% ᐋᓐᓂᐊᓯᐅᑎᒥᑦ (ᓲᕐᓗ ᐃᓅᓕᓴᐅᑎᑦ ᓯᐅᓯᕆᔪᒧᑦ).

ᐊᒥᓱᑦ ᐋᓐᓂᐊᕈᑕᐅᓲᑦ ᐃᓅᓕᓴᖅᑕᐅᓲᑦ ᐱᔪᓐᓇᐅᑎᖃᙱᖦᖢᑎᒃ ᓂᐅᕕᖅᖢᑎᒡᓘᓐᓃᑦ.  ᐊᒥᓱᓂᑦ ᓂᕈᐊᒐᒃᓴᖃᐅᐳᑦ.  ᐊᐱᕆᓗᒍ ᓄᓇᔅᓯᓐᓂᑦ ᐋᓐᓂᐊᓯᐅᑎ, ᓘᒃᑖᑦ ᐄᔭᒐᖅᑖᖅᑎᑦᑎᔨᒥᓪᓘᓐᓃᑦ (ᓄᓇᓕᔅᓯᓐᓂᑦ ᐱᑕᖃᖅᐸᑦ). 

ᑭᓲᖕᒪᑦ ᐃᓅᓕᓴᐅᑎᓄᑦ ᐄᔭᒐᓗᐊᖕᓃᖅ ᖃᓄᕐᓗ ᑕᐃᒪᐃᓕᓲᖑᕙᑦ?

ᐃᓅᓕᓴᐅᑏᑦ ᐊᑐᑦᑎᐊᕐᑕᐅᓪᓗᑎᒃ ᐋᓐᓂᐊᕈᓐᓃᕈᑕᐅᕙᒃᐳᑦ. ᑭᓯᐊᓂᓕ, ᐃᓅᓕᓴᓗᐊᖅᖢᓂ, ᐱᔮᕆᙱᓪᓗᓂ ᐋᒃᑲᓘᓐᓃᑦ, ᐄᔭᒐᓗᐊᖕᓂᖕᒥᑦ ᑕᐃᔭᐅᕗᖅ.  ᐄᔭᒐᓗᐊᖕᓂᖕᒧᑦ ᖃᓄᐃᔾᔪᑕᐅᔪᑦ ᒪᓕᓲᖑᕗᑦ ᖃᓄᐃᑦᑐᒥᑦ ᐃᓅᓕᓴᐅᑎᑐᖕᒪᖔᑦ. ᐃᓄᐃᑦ ᐊᑯᓂᐅᔪᒥᑦ ᖃᓂᒪᓂᖃᓕᕈᓐᓇᖅᑐᑦ ᑐᖁᔪᓐᓇᖅᑐᓪᓘᓐᓃᑦ ᐄᔭᒐᓗᐊᖕᓂᖕᒧᑦ.

ᐄᔭᒐᓗᐊᖅᑐᖃᕈᓐᓇᖅᑐᖅ ᑭᓱᑐᐃᓐᓇᓄᑦ ᐃᓅᓕᓴᐅᑎᓄᑦ ᐃᓅᓕᓴᐅᑎᑖᖑᔪᓄᓪᓘᓐᓃᑦ ᓘᒃᑖᒥᐅᙱᑦᑐᖅ.

ᑭᓱᒧᑦ ᐄᔭᒐᓗᐊᖕᓇᖕᒪᑦ?

ᐃᓄᐃᑦ ᐄᓰᖃᑦᑕᓗᐊᑐᐃᓐᓇᕆᐊᖃᖕᒪᑕ ᐊᒥᓱᓗᐊᕌᓗᖕᓂᓪᓘᓐᓃᑦ ᐄᔭᒐᖅᐸᒡᓗᓂ ᑕᐃᒪᙵᑕᒫᑦ. ᐃᓛᓐᓂᒃᑯᑦ ᐄᔭᒐᓗᐊᖅᑐᖃᓲᑦ ᐃᓅᓕᓴᐅᑎᓂᒃ ᐊᔾᔨᒌᙱᑦᑐᓂᑦ ᐊᑕᐅᑦᑎᒃᑯᑦ ᐄᔭᒐᕌᖓᒥᒃ.

ᖃᓄᕐᓕ ᐄᔭᒐᓗᐊᖅᑕᐃᓕᒪᑎᑦᑎᓐᓇᖅᐸ?

  1. ᒪᓕᑦᑎᐊᕐᐸᒡᓗᒋᑦ ᒪᓕᒋᐊᓖᑦ ᐋᓐᓂᐊᓯᐅᑎᒥᙶᖅᑐᑦ.  ᐊᐱᖅᓱᖅᐸᒡᓗᒋᑦ ᐃᓕᓪᓗᒋᓪᓗ ᐃᓅᓕᓴᐅᑎᑎᑦ.
  2. ᐅᖃᓕᒫᖏᓐᓇᐅᔭᕐᓗᒋᑦ ᒪᓕᒃᐸᒡᓗᒋᓪᓗ ᑎᑎᕋᖅᓯᒪᔪᑦ ᖄᖓᓂ ᐄᔭᒐᖅᑎᑦᑎᓚᐅᙱᓐᓂᖕᓂᑦ ᐃᓅᓕᓴᓚᐅᙱᓐᓂᖕᓂᓪᓘᓐᓃᑦ.
  3. ᐃᓅᓕᓴᐅᑎ ᐴᑐᖃᖓᓃᑎᓪᓗᒍ ᖄᖓ ᐅᖃᓕᒫᕈᓐᓇᖕᓂᐊᕋᕕᐅᒃ, ᐃᖅᑲᐅᒪᓗᒍ ᖃᔅᓯᓂᒃ ᐄᔭᒐᕆᐊᖃᖕᒪᖔᑦ ᑭᓱᒧᓪᓗ ᐊᑐᖕᒪᖔᑦ. ᑐᑭᓯᐅᒪᑦᑎᐊᒻᒪᕆᒋᐊᖃᖅᑐᑎᑦ ᖃᔅᓯᓂᒃ ᐄᓯᓂᐊᖕᒪᖔᑦ, ᖃᖓᒃᑯᓪᓗ, ᖃᖓᓗ ᓄᖅᑲᕋᔭᖕᒪᖔᑦ.
  4. ᖃᐅᔨᒪᒋᐊᕐᓗᑎᑦ ᖃᓄᑎᒋ ᐃᓅᓕᓴᖃᑦᑕᖕᒪᖔ ᖃᖓᓗ ᑭᖑᓪᓕᖅᐹᒥᑦ ᐄᓯᓚᐅᖕᒪᖔᑦ.
  5. ᐃᓅᓕᓴᐅᑏᑦ ᑐᖅᑯᑦᑎᐊᕐᓯᒪᕙᒡᓗᒋᑦ ᑮᖃᖅᑐᒥᑦ ᒪᑐᓕᖕᒧᑦ ᖁᑦᑎᒃᑐᒦᓪᓗᓂᓗ ᓄᑕᕋᖕᒧᑦ ᐃᓄᖅᑕᐅᓗᓂ.
  6. ᐃᓱᓕᓯᒪᔪᓂᑦ ᐊᑐᖅᓯᒪᙱᑦᑐᓂᓪᓘᓐᓃᑦ ᐃᓅᓕᓴᐅᑎᓂᑦ ᐋᓐᓂᐊᕕᓕᐊᕈᑎᓗᒋᑦ ᐊᒃᑕᖅᑕᐅᑦᑎᐊᖁᓪᓗᒋᑦ.
  7. ᐋᓐᓂᐊᓯᐅᑏᑦ ᐅᖃᐅᑎᓗᒍ ᐊᓯᖏᓐᓂᑦ ᐄᔭᒐᖅᑕᖕᓂᑦ, ᑕᐃᒃᑯᐊᓗ ᓂᐅᕕᖃᑦᑕᖅᑕᑎᑦ ᖃᐅᑕᒫᖅᓯᐅᑎᓪᓗ.
  8. ᐊᑐᖅᑕᐅᑎᑉᐸᙱᓪᓗᒋᑦ ᐱᔪᓐᓇᐅᑎᒃᑯᑦ ᐃᓅᓕᓴᐅᑏᑦ. ᑐᕌᖓᖕᒪᑕ ᐃᓄᖕᒧᑦ ᐊᑎᖃᖅᑐᒧᑦ ᐴᖓᓂᑦ.

ᐅᖃᖃᑎᖃᕐᓗᑎᒃ ᐋᓐᓂᐊᓯᐅᑎᔅᓯᓐᓂᑦ ᐊᐱᖅᑯᑎᒃᓴᖃᕈᕕᑦ ᐃᓅᓕᓴᐅᑎᑐᐃᓐᓇᖕᓂᑦ.

ᐄᔭᒐᓗᐊᖅᑐᖃᕋᓱᒋᓐᓈᒍᕕᑦ, ᐋᓐᓂᐊᕕᔅᓯᓐᓄᑦ ᐅᖃᓗᑲᐅᑎᒋᓗᑎᑦ.

ᑲᒪᑦᑎᐊᕐᓂᖅ ᑎᒥᖕᓂᒃ ᐃᓱᒪᖕᓂᒃᓗ

ᐃᓚᖏᑦ ᐃᓄᐃᑦ ᐄᔭᒐᓗᐊᓲᖑᖕᒪᑕ ᐃᓱᒪᖏᑎᒍᑦ ᐋᓐᓂᐊᕌᖓᒥᒃ  ᐃᒃᐱᖕᓂᐊᒑᖓᒥᒃᓘᓐᓃᑦ ᑕᖃᖓᓂᕐᒥᒃ ᐅᕝᕙᓘᓐᓃᑦ ᓂᙵᐅᒪᒑᖓᒥᒃ. ᐃᖅᑲᐅᒪᓂᐊᖅᐳᑎᑦ ᐃᓄᑑᖏᓐᓇᕕᑦ. ᐃᓱᒪᒃᑯᑦ ᐊᔪᕈᑎᖃᕈᕕᑦ ᐅᕝᕙᓘᓐᓃᒃ ᖃᐅᔨᒪᔭᖃᕈᕕᑦ ᐊᒃᓱᕉᑎᖃᖅᑐᒥᒃ ᐃᓱᒪᒥᒍᑦ, ᐃᑲᔪᖅᑕᐅᔪᓐᓇᑦᑎᐊᖅᐳᓯ. ᐃᑲᔪᖅᑕᐅᔪᒪᖃᑦᑕᕆᔅᓯ ᐱᖃᓐᓇᕆᔭᔅᓯᓐᓄᑦ, ᓇᓕᐊᖕᓄᑐᐃᓐᓇᖅ ᐃᓚᖕᓄᑦ, ᐃᓕᓴᐃᔨᒧᑦ, ᐃᓕᓐᓂᐊᕐᕕᖕᒥ ᐃᓅᓯᓕᕆᔨᒧᑦ ᐅᕝᕙᓘᓐᓃᑦ ᐃᓐᓇᕐᒧᑦ. ᐅᖃᐅᓯᕆᓗᒋᑦ ᐃᒃᐱᖕᓂᐊᒋᔭᑎᑦ ᖃᓄᐃᓕᖕᒪᖔᖅᐱᓪᓗ. ᐋᓐᓂᐊᕕᓯᓐᓅᕐᓗᑎ ᐃᓱᒪᓕᕆᔨᒥᑦ ᐅᖃᖃᑎᖃᕆᐊᖅᑐᕐᓗᑎᑦ.

ᐱᒻᒪᕆᐊᓘᔪᖅ ᐱᔪᓐᓇᐅᑎᒃᑯᑦ ᐃᓅᓕᓴᐅᑏᑦ, ᓂᐅᕕᐊᑦ, ᒪᓕᒐᖅᑎᒎᖓᙱᑦᑐᓂᒡᓗ ᐄᔭᖓᓂᑦ ᑮᒃᓯᒪᓗᒋᑦ ᓄᑕᖅᑲᓄᓪᓗ ᐃᓄᖅᓯᓯᒪᓗᒋᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕗᙵᐅᓗᑎᑦ           [ ᑐᖁᓐᓇᖅᑐᖅᑐᑦ].