ᐱᖦᖤᖏᓴᖅᑐᑦ (ᓯᖏᖅᓯᓂᖅ) ᐊᒻᒪ ᓂᕐᔪᑏᑦ ᑮᓯᑎᓪᓗᒋᑦ

ᐱᖦᖤᖏᓴᕐᓂᖅ ᖁᐱᕐᕈᕐᒧᑦ ᑐᖁᑦᑕᕐᓂᖏᑦᑐᒧᑦ ᐊᐃᑦᑐᕐᓗᒃᑕᐅᓯᒪᓂᐅᓲᖅ ᑎᒥᐅᑉ ᐃᒃᐱᕐᓂᕈᑎᖏᓐᓂᒃ ᐊᒃᑐᐃᕙᒃᖢᓂ.  ᖁᐱᕐᕈᖅ ᐱᖦᖤᖏᓴᖅᑎᑦᑎᓲᖅ ᐃᓄᖕᒧᑦ ᐊᒃᓱᐊᓗᒃ ᐋᓐᓂᐊᓕᕈᑕᐅᔪᓐᓇᖅᑐᖅ. ᐃᖢᐊᖅᓴᖅᑕᐅᖏᒃᑯᓂᓕ, ᑐᖁᔾᔪᑕᐅᔪᓐᓇᖅᑐᖅ ᐃᓄᖕᒧᑦ.

ᐱᖦᖤᖏᓴᕐᓂᖅ ᐊᐃᑦᑐᕐᓘᑕᐅᓲᖅ ᓂᖅᔪᑎ ᓱᕐᓗ ᕿᒻᒥᖅ, ᑎᕆᒐᓂᐊᕐᓘᓃᑦ ᐋᓐᓂᐊᖃᕐᓗᓂ ᑖᒡᓱᒥᖓ ᑮᓯᒃᐸᑦ ᕿᑦᑐᒃᐹᑎᑦ, ᑭᓪᓕᒃᑯᓪᓘᓃᑦ ᐊᓗᐱᖅᑕᐅᓗᕕᑦ.

ᐊᑐᖁᔭᐅᔪᑦ ᐊᐃᑦᑐᕐᓗᒃᑕᐅᑦᑕᐃᓕᓂᕐᒧᑦ ᓂᖅᔪᑎᒧᑦ ᑮᔭᐅᓗᓂ ᐋᓐᓂᐊᓕᖅᑕᐃᓕᒪᓂᕐᒧᑦ

  • ᐅᖓᓯᒋᓗᒋᑦ ᖃᒡᓕᑦᑕᐃᓕᓗᒋᓪᓗ ᐃᐲᖔᖅᑐᑦ ᐃᓕᓴᕐᓇᙱᑦᑐᓪᓘᓃᑦ ᕿᒻᒦᑦ
  • ᑕᐸᓱᒃᐸᙱᓪᓗᑎᑦ ᕿᒻᒥᓂᒃ ᐊᓯᖏᓐᓂᓘᓃᑦ ᓂᖅᔪᑎᓂᒃ
  • ᓄᑕᖅᑲᐃᑦ ᐱᙳᐊᖃᖅᑎᑉᐸᖏᓪᓗᒋᑦ ᕿᒻᒥᓂᒃ ᐃᓕᓴᕐᓇᖏᑦᑐᓂᒃ ᐊᓯᖏᓐᓂᓗ ᓂᖅᔪᑎᓂᒃ
  • ᐅᓚᕕᓴᐃᙱᓪᓗᑎᑦ ᕿᒻᒥᒥᒃ ᓂᕆᔪᒥᒃ, ᓯᓂᒃᑐᒥᒃ, ᐱᐊᓛᕐᒥᓂᓘᓃᑦ ᑲᒪᔪᒥᒃ
  • ᓄᖅᑲᖔᑦᑎᐊᕐᓗᑎᑦ ᐃᓕᓴᕐᓇᙱᑦᑐᒥ ᕿᒻᒥᒥᒃ ᓂᖅᔪᑎᒥᒡᓘᓃᑦ ᐅᐸᒃᑕᐅᓕᕈᕕᑦ
  • ᕿᒫᕙᙱᓪᓗᑎᑦ ᓂᖅᔪᑐᒥᒃ ᖃᖓᑐᐃᓐᓇᑦᑎᐊᖅ

ᑮᔭᐅᓐᓂᕈᕕᑦ ᖃᐅᔨᒪᔭᐃᓪᓘᓃᑦ ᑮᔭᐅᒃᐸᑦ, ᐃᒪᓐᓇ ᐊᑐᖁᔭᐅᕗᑎᑦ:

  • ᐅᖄᓚᕝᕕᒋᓗᒋᑦ ᐅᐸᒍᑎᓗᑎᓪᓗ ᐋᓐᓂᐊᕐᕕᖕᒧᑦ ᐃᕐᖐᓐᓇᑲᐅᑎᒋ.
  • ᑮᔭᐅᓃᑦ ᐅᐊᓴᕐᓗᒍ/ᐃᕐᒥᒡᓗᒍ ᐃᒪᕐᒧᑦ ᐅᐊᓴᐅᑎᒧᓪᓗ 15 ᑎᑦᑕᑯᓗᖕᓄᑦ.
  • ᐅᖃᐅᓯᕆᓗᒍ ᓂᖅᔪᑎ ᐆᒪᔪᕐᓂᐊᖅᑎᒧᑦ ᒪᓕᒐᕋᓛᓕᕆᔨᒧᓪᓘᓃᑦ

ᑎᒍᐊᕆᔭᐃᑦ ᐱᖦᖤᖏᓴᕐᓂᐊᖏᒻᒪᓐ, ᐃᓱᒪᓗᑎᑦ ᐃᒪᓐᓇ:

  • ᑲᐱᔭᐅᑎᓪᓗᒍ ᑎᒍᐊᕆᔭᐃᑦ. ᑲᐴᑏᑦ ᐊᑭᖃᙱᑦᑐᑦ ᓇᒥᑐᐃᓐᓇᖅ ᕼᐋᒻᓚᐅᔪᓂ. ᕼᐋᒻᓚᑯᑦ ᑐᑭᓯᕝᕕᒋᓗᒋᑦ ᑲᐴᑎᐅᑉ ᒥᒃᓵᓄᑦ ᓄᓇᒋᔭᕐᓂ.
  • ᖃᐅᔨᓴᖅᐸᒡᓗᒋᑦ ᑎᒍᐊᕆᔭᑎᑦ ᓯᓚᒦᓕᕌᖓᑕ
  • ᑎᒍᐊᕆᔭᐃᑦ ᐊᓯᖏᓐᓂ ᓂᖅᔪᑎᓂᒃ ᖃᒡᓕᑎᑦᑕᐃᓕᒪᓗᒍ

ᑎᒍᐊᕆᔭᐃᑦ ᑮᔭᐅᒃᐸᑦ, ᐆᒪᔪᕐᓂᐊᖅᑎᒧᑦ ᐅᖄᓚᓗᑎᑦ ᒪᓕᒐᕋᓛᓕᕆᔨᒧᓪᓘᓃᑦ ᖃᓅᔭᕆᐊᖃᕐᒪᖔᖅᐱᑦ ᐊᐱᕆᓗᑎᑦ. 

ᖃᐅᔨᒋᐊᕐᓗᑎ ᖃᐅᔨᒋᐊᕐᓗᑎ ᐱᖦᖤᖏᓴᕐᓂᕐᒥ ᓂᖅᔪᑎᓂᒃ ᑮᔭᐅᒍᓂᓗ ᖃᓅᔭᕆᐊᖃᕐᒪᖔᖅᐱᑦ.