ᐃᓱᒪᒃᑯᑦ ᖃᓄᐃᖏᑦᑎᐊᕐᓂᖅ

ᐃᓱᒪᒃᑯᑦ ᐋᓐᓂᐊᖃᕐᓇᖏᑦᑐᓕᕆᓂᖅ ᐱᖃᓯᐅᑎᓯᒪᔪᖅ ᐃᒃᐱᒍᓱᒍᓐᓇᕐᓂᖅ, ᐃᓱᒪᒃᑯᑦ, ᐊᒻᒪᓗ ᐃᓅᖃᑎᖃᕐᓂᕐᒧᑦ ᖃᓄᐃᖏᑦᑎᐊᕐᓂᕐᒧᑦ− ᖃᓄᐃᓕᖓᒐᓗᐊᖅᐸᑦ ᐅᓅᓯᖓ.

ᐃᓱᒪᒧᑦ ᖃᓄᐃᖏᑦᑎᐊᕐᓂᖅ ᐊᒃᑐᐊᓂᖃᖅᑐᖅ ᐃᓱᒪᖃᑦᑕᕐᓂᖓᓄᑦ, ᐃᒃᐱᒍᓱᖕᓂᖓᓄᑦ ᐊᒻᒪᓗ ᐃᓕᖅᑯᓯᖓᓄᑦ. ᐊᒃᑐᐊᓂᖃᕐᒥᔪᖅ ᖃᓄᐃᓕᐅᕈᑕᐅᕙᒃᑐᓂ ᐊᔪᕐᓇᖅᑐᖅᓯᐅᖅᑐᖃᓕᕌᖓᑕ, ᐃᓚᒋᔭᐅᔪᖅ ᐊᓯᒥᖕᓄᑦ ᐊᒻᒪᓗ ᐃᓱᒪᒃᓴᖅᓯᐅᕈᑕᐅᕙᒃᑐᓂ. ᐊᑐᖅᑕᐅᒐᔪᒃᑐᖅ ᐃᓱᒫᓗᑎᖃᕐᓂᕐᒥᑦ ᐃᓱᒪᒧᑦ ᖃᓄᐃᖏᑦᑎᐊᕐᓂᕐᒧᑦ ᖃᑯᑎᒃᑯᑦ. ᐃᓱᒫᓗᑎᒋᔭᑦ ᐊᒃᑐᐊᓂᖃᖅᐸᑦ ᐱᔪᓐᓇᕐᓂᖏᓐᓄᑦ ᐅᓪᓗᑕᒫᖅᓯᐅᑎᓄᑦ, ᑎᒃᑯᐊᕈᓐᓇᕋᔭᕐᒪᑦ ᐱᒻᒪᕆᐅᔪᒥᑦ ᐊᑲᐅᖏᓕᐅᕈᑎᒥᑦ.

ᐅᓄᖅᑐᓂ ᐱᔾᔪᑎᖃᕈᓐᓇᖅᑐᖅ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᕐᒧᑦ ᐊᑲᐅᖏᓕᐅᕈᑏᑦ:

  • ᐆᒪᔪᓂᒃ ᖃᐅᔨᓴᕐᓂᖅ, ᓲᕐᓗ ᐊᐅᖓᒍᑦ ᖃᓄᐃᓕᖓᓂᖓ ᐅᕝᕙᓘᓐᓂᑦ ᖃᕋᓴᐅ ᖃᓄᐅᑦᑑᓂᖓ
  • ᐃᓅᓯᕐᒥᑦ ᖃᐅᔨᔾᔪᓯᕆᔭᖏᑦ, ᓲᕐᓗ ᐊᒃᓱᕈᕐᓂᑯᑦ ᐅᕝᕙᓘᓐᓃᑦ ᐋᓐᓂᖅᓯᕆᓂᒃᑯᑦ
  • ᐃᓚᒌᖑᔪᓂ ᖃᓄᐃᓕᐅᖅᐸᓚᐅᕈᓯᖏᑦ ᐃᓱᒪᒧᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑲᐅᖏᓕᐅᕈᑕᐅᕙᒃᑐᒧᑦ

ᐃᓱᒪᒃᑯᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑲᐅᖏᓕᐅᕈᑎᖃᖅᑐᑦ ᐃᑲᔪᖅᑕᐅᔪᓐᓇᖅᑐᑦ ᐱᐅᓯᕚᓪᓕᖅᑎᑕᐅᓗᑎᒃ. ᐃᑲᔪᖅᑕᐅᖏᑉᐸᑦ, ᐃᓱᒪᒃᑯᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑲᐅᖏᓕᐅᕈᑏᑦ ᐊᓯᔾᔨᖅᓯᔪᓐᓇᕐᒪᑦ ᐃᓅᓯᕆᔭᐅᔪᒥᑦ ᐊᒻᒪᓗ ᓴᕿᑎᑦᑎᔪᓐᓇᕆᓪᓗᓂ ᐊᔪᓐᓇᖅᑐᖅᓯᐅᕈᑕᐅᕙᒃᑐᓂᑦ.

ᖃᐅᔨᒪᔭᐅᖏᓪᓗᑎᑦ ᐃᑲᔪᖅᑕᐅᔪᒪᒍᕕᑦ, ᐅᖃᓗᒍᓐᓇᖅᐳᑎᑦ ᑲᒪᑦᓯᐊᖅᑐᑦ ᐃᑲᔪᖅᑕᐅᕝᕕᖕᒧᑦ:  1-867-979-3333 | ᐊᑭᖃᖏᑦᑐᒃᑯᑦ: 1-800-265-3333